MTK Alerta Institutu Autónomu Lalori Dividas Ba 2024

Ministério dos Transportes e Comunicações: Loron Kuarta-Feira, 20/09/2023, Ministru Transporte no Komunikasaun, Eng. Miguel Marques Gonçalves Manetelu, alerta ba Dirijente Institutu Autónomu iha Ministeriu atu halo servisu ho seriu, no labele lori dividas tinan 2023 nian ba tinan 2024.

Sua Exelensia Ministru Transporte no Komunikasaun, Eng. Miguel Marques Gonçalves Manetelu, relata informasaun hirak ne’e, bainhira realiza ekontru avalisaun ho dirijente ajensia autónomu hanesan Autoridade Nasionál Aviasaun Timor-Leste (ANATL-sigla portugés), Autoridade Nasionál Komunikasaun (ANC-sigla Portugés), ho Institutu Autonomu sira hanesan Teknólojia Inforasaun no Komunikasaun Timor (TIC Timor IP-sigla Portugés), Autoridade Portu Timor-Leste (APORTIL IP-sigla portugés), no Autoridade Aviasaun Sivil Timor-Leste (AACTL IP-sigla portugé).

Husi reuniaun ne’ebé hala’o kuaze loron ida tomak, sua exelensia Ministru Transporte no Komunikasuan, Eng. Miguel Marques Gonçalves Manetelu, ko’alia liu ba portu prinsipal tolu, hanesan husu dirijente ajensia autónomu ho autoridade autónomu atu labele lori dividas Instituisaun 2023 nian ba tinan 2024.

Pontu segundu, sua exelensia Ministru husu mós ajensia ho autoridade inklui ministeriu rasik bainhira hetan ajudus ruma husi Estadu ka ajensia internasionál ruma tenke relata.

Presiza informa ba sua exlensia Primeiru Ministru bainhira enfrenta problema ezistente sira, ne’ebé maka dalara ruma problema mosu iha ajensia ka autóridade labele rezolve.

Tanba ne’e maka husu ba dirijente Ajensia no autoridade sira tenke buka solusaun ba problema internal sira ne’ebé maka karik iha, no relata ba Ministeriu hodi buka solusaun, bainhira la-rezolve ona maka foin relata ba Primeiru Ministru. (MEDIA MTK)